प्रिमियर लिगमा आर्सनललाई ५ अंकको अग्रता

काठमाडौँ । ईङलिश प्रिमियर लिग अन्तर्गत आर्सनलले वोल्भ्समाथि सहज जित हासिल गरेको छ ।  गएराती सम्पन्न खेलमा आर्सनलले वोल्भ्सलाई २-० गोल अन्तरले पराजित गरेको हो ।

आर्सनलको जितमा मार्टिन ओडेगार्डले दुवै गोल गरेका थिए । उनले खेलको ५४औं र ७५औं मिनेटमा गोल गरेका थिए । यो जितपछि आर्सनलले दोस्रो स्थानमा रहेको म्यानचेस्टर सिटीमाथि ५ अंकको स्पष्ट अग्रता कायम गरेको छ ।

आर्सनलको १४ खेलमा ३७ अंक भएको छ । त्यस्तै वोल्भ्सको १५ खेलमा १० अंक रहेको छ र लिगमा पुछारमा रहेको छ ।