ऋषि धमलाको चुनावी टेलिभिजन कार्यक्रम खिच्ने क्रममा झडप

काठमाडौँ । पत्रकार ऋषि धमलाले चलाउँदै आएको चुनाव लक्षित टेलिभिजन कार्यक्रममा युवाहरुबीच झडप भएको छ । डडेलधुराको सदरमुकाममा बिहीबार टेलिभिजन कार्यक्रम खिच्न आयोजना गरिएको चुनवी कार्यक्रममा युवाहरुबीच माइक खोसाखोस र हात हालाहाल भएको हो ।

स्वतन्त्र उम्मेदवार सागर ढकालसहित ठूला राजनीतिक दलका उम्मेदवारसमेत सहभागी उक्त कार्यक्रमा उम्मेदवारलाई प्रश्न सोध्ने क्रममा आफूहरुको पालो नआएको भन्दै युवाहरुले माइक खोसाखोस र हात हालाहाल गरेका हुन् ।

माइक खोस्ने क्रममा युवाले माइक समेत फालिदिएपछि प्रहरीले अवस्थालाई नियन्त्रणमा लिएको थियो । सागर ढकाललाई प्रश्न सोधिरहेका एक युवालाई पछाडिका युवाले धकेलिदिएपछि अवस्था तनावपूर्ण बनेको थियो ।

कार्यक्रममा धमलाले सबैलाई शान्त हुन आग्रह गरेका थिए ।