लेखराज भट्टलाई ज्यान मार्ने धम्की दिएको आरोपमा माओवादीका दुई पूर्व लडाकु पक्राउ

कैलाली । कैलाली ४ का नेकपा एमालेका उम्मेदवार लेखराज भट्टलाई ज्यान मार्ने धम्की दिएको आरोपमा दुई जनालाई प्रहरीले पक्राउ गरेको छ ।

मङ्गलवार बिहान धनगढी १४ का शेरबहादुर लामा र गोदावरी नगरपालिका २ का दीपेन्द्र विकलाई प्रहरीले पक्राउ गरेको हो ।

उनीहरूले अत्तरियास्थित भट्टको घरमै पुगेर घम्की दिएको सूचना आएपछि पक्राउ गरिउको कैलालीका प्रहरी प्रमुख एसपी सोमेन्द्र सिंह राठौरले बताए । पक्राउ पर्ने दुवै जना माओवादीका पूर्व लडाकु हुन् ।