मोरङ ६ मा शेखर र प्रदेश (१)मा रिताको अग्रता निरन्तर

विराटनगर । मोरङ क्षेत्र नम्बर ६ मा नेपाली कांग्रेसका नेता डा शेखर कोइरालाले अग्रता कायम राखेका छन् ।

उनले नेकपा एमालेका लालबाबु पण्डितलाई पछि पार्दै अग्रता कायम राखेका हुन् । कोइरालाले ५०५२ मत ल्याउँदा पण्डितले ४४३९ मत प्राप्त गरेका छन् । कोइराला ६४३ मतान्तरले अगाडि रहेका छन् । अहिलेसम्म क्षेत्र नम्बर ६ को सुन्दर हरैँचा नगरपालिका वडा नम्बर ५ ६ र ७ को मतगणना सकिँदा क्षेत्र नम्बर ६(१) मा नेकपा एमालेकी रीता न्यौपानेले मतान्तर बढाएकी छिन् । न्यौपानेले ५१९५ मत प्राप्त गर्दा माओवादी केन्द्रका उम्मेदवार जीवन आचार्यले ३८७६ मत प्राप्त गर्दै पछ्याउँदैछन् । न्यौपाने र आचार्य बिचको मतान्तर १३१९ को रहेको निर्वाचन अधिकृतको कार्यालयले जनाएको छ।

माओवादी अगाडि

क्षेत्र नम्बर ४ मा नेकपा एमाले ३५६६ मतान्तरल. पछि परेका छन् । माओवादी केन्द्रका अमनलाल मोदीले १०१५४ मत ल्याउँदा नेकपा एमालेका विनोद ढकालले ६५८८ मत प्राप्त गरेका छन् । यो क्षेत्रमा कटहरीका ४,५,६ र ७ तथा ग्रामथान गाउँपालिकाको वडा नम्बर १ देखि ३ सम्मको मत गणना सकिएर अहिले वडा नम्बर ४ को गणना भइरहेको छ।