कास्की २ मा घण्टीलाई पछि छोडेर एमाले अघि बढ्यो

पोखरा। कास्की क्षेत्र नम्बर २ मा एमालेकी विद्या भट्टराईले अग्रता लिएकी छिन् । मतगणनाको सुरु देखि नै अग्रता लिएका राष्ट्रिय स्वतन्त्र पार्टीका माधव प्रसाद कँडेललाई पछि पार्दै उनी अघि बढेकी हुन् ।

पोखरा महानगरपालिका २१ एमालेको गढ हो । सोही वडामा पुगेर भट्टराईले कँडेललाई पछि छोडिन् ।

हालसम्मको मतगणना अनुसार उनले ५ हजार ५ सय ८९ मत पाएकी छन् भने उनका निकटतम प्रतिस्पर्धी कँडेलले ५ हजार १ सय ९३ मत पाएका छन् । यस्तै, सत्ता गठबन्धनबाट नेकपा एकीकृत समाजवादीका श्रीनाथ बरालले ३ हजार ३ सय ६७ मत पाएका छन् ।