ओखलढुंगामा गठबन्धन निर्वाचित, प्रदेश क्षेत्र (क)मा कांग्रेस र (ख) मा माओवादी विजयी

विराटनगर । ओखलढुंगामा नेकपा माओवादीबाट बाबुराम गौतम निर्वाचित भएका छन् ।

आखलुढुंगाको प्रदेश क्षेत्र नम्बर ख मा माओवादीका गौतम १५७३८ मतका साथ निर्वाचित भएको निर्वाचन आयोगले जनाएको छ । उनले नेकपा एमालेका ज्ञानबहादुर खड्कालाई पराजित गरेका हुन् । खड्काले १४६४० मत मात्र प्राप्त गर्न सके ।

यसअघि नै ओखलढुंगा क्षेत्र नम्बर क मा कांग्रेसका प्रदिपकुमार सुनुवार निर्वाचित भईसकेका छन् । उनले १४९१६ मत पाएर नेकपा एमाले अम्बिरबाबु गुरुंगलाई पराजित गरेका हुन् ।

त्यस्तै प्रतिनिधि सभामा नेपाली कांग्रेसका रामहरी खतिवडा अगाडी छन् । उनको २०९५६ मत रहेका छ भने नेकपा एमालेका यज्ञराज सुनुवारले १६२९५ मत प्राप्त गरेको निर्वाचन अधिकृतको कार्यालयले जनाएको छ। प्रतिनिधिसभाको मत गणना अन्तिम चरणमा रहेको छ ।