खोटाङ प्रदेश सभा १ मा एमाले र २ मा कांग्रेस निर्वाचित

विराटनगर । खोटाङको प्रदेश सभा १ मा नेकपा एमालेका पाँचकर्ण राई निर्वाचित भएका छन् । पाँचकर्ण राईले १३१५७ मत प्राप्त गर्दै निर्वाचित भएका हुन् । त्यस्तै नेकपा एकीकृत समाजवादीका विरबल काजी राई ११९६५ मत मा सीमित हुन पुगेका हुन् ।

त्यस्तै खोटाङ प्रदेश सभा २ मा नेपाली कांग्रेसका भूपेन्द्र राई निर्वाचित भएका छन् । उनले १६४९६ मत ल्याएर विजयी हुँदा उनका निकटतम प्रतिद्वन्द्वी नेकपा एमालेका रामप्रसाद दंगालले १४३५६ मत ल्याउन सके ।

प्रतिनिधि सभा तर्फ नेकपा माओवादी केन्द्रका रामकुमार राई २१३७१ मतका साथ अगाडी छन् । नेकपा एमालेका विशाल भट्टराईले २०२६३ मत प्राप्त गरेका छन् । प्रतिनिधि सभामा विजयी घोषणा हुन बाँकी रहेको छ।