मोरङ-२ बाट एमालेका ऋषिकेश पोखरेल विजयी, सुजाता कोइराला पराजित

विराटनगर । मोरङ क्षेत्र नम्बर २ बाट नेकपा एमालेका उम्मेदवार ऋषिकेश पोखरेल प्रतिनिधिसभामा निर्वाचित भएका छन् ।
उनले नेपाली काङ्ग्रेसकी नेतृ सुजाता कोइरालालाई हराएका हुन् ।

पोखरेल ३३ हजार १४८ मत ल्याएर विजयी हुँदा कोइरालाले ३१ हजार ९४० मत पाइन् ।

पोखरेल २०७० सालको संविधानसभा निर्वाचनमा सोही क्षेत्रबाट विजयी भएका थिए । यो पटक नेपाली काँग्रेसका पूर्व सभापति गिरिजाप्रसाद कोइरालाकी छोरी सुजातालाई उनले पराजित गरे ।

गिरिजाप्रसाद कोइराला सोही क्षेत्रबाट लगातार तीन पटक निर्वाचित भएका थिए ।