इलाम-२ मा १६ मतले पछि परे एमाले उपाध्यक्ष नेम्वाङ

इलाम । इलाम २ मा पूर्व सभामुख सुवासचन्द्र नेम्वाङ र गठबन्धनबाट नेपाली कांग्रेसका उम्मेदवार डम्बरबहादुर खड्काबिच कडा प्रतिस्पर्धा देखिएको छ ।

निरन्तर अग्रता कायम गरेका नेम्वाङलाई इलाम नगरपालिका वडा नं. ३ को गणना सकिँदा कांग्रेसका डम्बरबहादुर खड्काले १६ मतले अग्रता लिएका हुन् ।

निर्वाचन आयोगका अनुसार नेम्वाङले अहिलेसम्म २८ हजार ४७० मत पाएका छन् भने खड्काले २८ हजार ४८६ मतसहित उछिनेका छन् ।

अहिले इलाम नगरपालिकाको वडा नम्बर १ र २ को मतगणना सुरु भएको छ । यी दुई वटा वडामध्ये गत स्थानीय तहको निर्वाचनमा एउटा वडा काँग्रेसले र अर्को वडा एमालेले जितेको थियो ।

मत गणना जारी छ ।