यी चर्चित अनुहार, जसलाई आगामी संसद्भित्र देख्न पाइँदैन
पोखरा । यो निर्वाचनले केही चर्चित अनुहार गुमाएको छ । निर्वाचन जित्ने हुटहुटी लिएर गएका उम्मेदवारहरुको अप्रत्याशित पराजय भएको छ । जनता समाजवादी पार्टीका अध्यक्ष उपेन्द्र यादव, नेपाल समाजवादी पार्टीकी नेता मानुशी यामी भट्टराई, एमालेका महासचिव शंकर पोखरेल, वरिष्ठ उपाध्यक्ष इश्वर पोखरेल, माओवादी नेतृ ओनसरी घर्ती अबको संसद्मा देखिने छैनन् ।
यस्तै, एमाले नेता लालबाबु पण्डित, एकीकृत समाजवादीका नेता झलनाथ खनाल, एमालेकै गोकुल बास्कोटा, कांग्रेसका नेता कृष्ण सिटौला, राप्रपाका रवीन्द्र मिश्र पनि संसद्मा हुने छैनन् । एकीकृत समाजवादीकी नेतृ रामकुमारी झाँक्री, माओवादी नेतृ पम्फा भुसाल, माओवादी नेता मातृका यादव, एमालेका शेरधन राई, गंगा चौधरी पराजित भएका छन् । एमाले छोडेर स्वतन्त्र चुनाव लडेका घनश्याम भुषाल, कांग्रेस नेता विजयकुमार गच्छदार, जसपाकै राजेन्द्र महतो पनि यसपालि पराजित भए ।
एकीकृत समाजवादीका विरोध खतिवडा, एमालेका नवराज सिलवाल, राजन भट्टराई, राष्ट्रिय जनमोर्चाकी दुर्गा पौडेल, माओवादीकी विना मगर, कांग्रेसका नेता बालकृष्ण खाँणको पनि प्रतिस्पर्धाबाट संसद् छिर्ने ढोका बन्द भएको छ ।
