बेपत्ता खत्रीको शव सशस्त्र प्रहरी बलको गोताखोर टोलीद्वारा फेला

काठमाडौँ । काठमाण्डौं जिल्लाको कीर्तिपुर नगरपालिका ६ चोभारस्थित जल विनायक पुलबाट बागमती नदीमा कार खसेर बेपत्ता भएका राजकुमार खत्रीको शव पौष ५ गते सशस्त्र प्रहरी बलको गोताखोर टोलीले फेला पारेको छ ।

सशस्त्र प्रहरी बल नेपाल नम्बर १८ निलबाराही गण, नम्बर २० विपद् उद्धार गण काठमाडौँबाट गोताखोरसहितको टोलीले उनको शव दुर्घटना स्थलबाट करिब सय मिटर तल फेला पारेको हो ।

पौष २ गते सो ठाउँमा बा ५ च ५६५४ को सिलभर रङको कार मदिना खसेको थियो । दुर्घटनामा कारमा सवार काठमाडौँ जिल्ला दक्षिणकाली नगरपालिका १ खहरे बस्ने अन्दाजी ४० वर्षीय राजकुमार खत्री बेपत्ता भएका थिए भने अन्दाजी ४० बर्षिया अम्बिका लामिछाने घाइते भएकी थिइन्।