संविधानले दिएको भूमिका तटस्थ रुपमा निभाउनेछु : नवनिर्वाचित उपसभामुख (भिडिओ)
मकालु खबर
काठमाडौँ । नवनिर्वाचित उपसभामुख तथा राष्ट्रिय स्वतन्त्र पार्टी (रास्वपा) की सांसद इन्दिरा राना मगरले संविधानले व्यवस्था गरेको भूमिकालाई इमानदारिताका साथ निभाउने वाचा गरेकी छिन् ।
शनिबार प्रतिनिधिसभामा भएको निर्वाचनमा राना मगर १६६ मतका साथ उपसभामुखमा निर्वाचित भएकी हुन् ।
उपसभामुख निर्वाचित भएपछि सञ्चारकर्मीहरूलाई प्रतिक्रिया दिँदै इन्दिराले सभामुखसँग मिलेर काम गर्ने र संविधानले दिएको भूमिका तटस्थ रुपमा निभाउने बताइन् । उनले भनिन्, पार्टीमा आफूलाई सबैले आमा भन्ने गरेको र आजबाट ठूलो परिवारमा भित्रिएको छु, सबैलाई समान ठान्नेछु ।
साथै, संसदमा तटस्थ र इमानदारिताका साथ भूमिका निभाउने बताइन् ।
नवनिर्वाचित उपसभामुख इन्दिरा राना मगरले संविधानले व्यवस्था गरेको भूमिकालाई इमान्दारिताका साथ निभाउने बताएकी छन् । pic.twitter.com/SgNz7yYvd7
— Makalu Khabar (@makalukhabar) January 21, 2023
मकालु खबर
