गण्डकीमा एमालेबाट रोशन र वेद मन्त्री बन्ने

पोखरा । गण्डकीमा एमालेबाट थप २ मन्त्री बन्दै छन् । मुख्यमन्त्री खगराज अधिकारीले काठमाडौंबाट फर्केपछि मन्त्रीको नाम टुङ्ग्याएका हुन् ।

अब नवलपुरका रोशन गाहा मगर र कास्कीका वेदबहादुर गुरुङ श्यामलाई मन्त्री बनाउन लागिएको हो । गण्डकीमा ७ मन्त्रालय कायम गरिएको छ । एमालेका २२, माओवादीका ८ र राप्रपाका २ सांसदको समर्थनमा अधिकारी मुख्यमन्त्री बनेका हुन् ।

यहाँ एमालेका ४, माओवादीलाई २ र राप्रपालाई १ मन्त्रालय परेको छ । यसअघि मुख्यमन्त्री सहित ४ मन्त्री नियुक्त भैसकेका छन् । अब एमालेका २ र माओवादीका १ मन्त्री बन्ने छन् । माओवादीले म्याग्दीका रेशम जुग्जालीलाई मन्त्री बनाउने निर्णय गरेको छ ।