पेट्राेलियम पदार्थकाे मूल्य प्रतिलिटर ८ रूपैयाँसम्म बढेकाे नयाँ मूल्यसूची प्राप्त

काठमाडौँ । नेपाल आयल निगमलाई इन्डियन आयल कर्पोरेशन(आईओसी)ले पेट्रोलियम पदार्थको मूल्य बढेको नयाँ मूल्यसूची पठाएको छ ।

उक्त मूल्य सूची अनुसार पेट्रोल र डिजेलको प्रचलितमूल्यमा प्रतिलिटर ८ रुपैयाँले बढेको छ ।

मट्टितेलको मूल्य ४ रुपैयाँ ६० पैसा र हवाइ इन्धन ७ रुपैयाँ ८० पैसा बढेको छ ।

खाना पकाउने एलपी ग्यासको मूल्य भने प्रतिसिलिन्डर ७५ रुपैयाँ घटेर आएको छ ।

अब निगमलाई चलेको मूल्य अनुसार १५ दिनको घाटा ५५ करोड घाटा हुने निगमले जनाएको छ ।