राप्रपाको केन्द्रीय निर्देशन समितिको अध्यक्षमा डा. लोहनी
मकालु खबर २०७९ माघ २५ गते
काठमाडौं । राप्रपाका पूर्वअध्यक्ष डा. प्रकाशचन्द्र लोहनीको अध्यक्षतामा रापपाको केन्द्रीय निर्देशन समिति गठन भएको छ ।
पार्टीको केन्द्रीय कमिटि बैठकले बुधबार पूर्व अध्यक्ष लोहनीको अध्यक्षतामा १७ सदस्यीय उक्त समिति गठन गरेको हो ।
समितिमा अध्यक्ष राजेन्द्र लिङ्देन, पूर्वअध्यक्ष पशुपतिशमशेर जबरा र पूर्वप्रधानमन्त्री लोकेन्द्रबहादुर चन्द पदेन सदस्य छन् ।
त्यस्तै पार्टीका वरिष्ठ उपाध्यक्ष, उपाध्यक्ष र महामन्त्रीहरु, वरिष्ठ नेता दीपक बोहरा, सल्लाहकार समितिका अध्यक्ष निरञ्जन थापा, केन्द्रीय नेताहरू रामकुमार सुब्बा, जयन्त चन्द र उद्धव पौडेल पनि निर्देशन समितिको सदस्य रहेका छन् ।
समितिको आमन्त्रित सदस्यमा कोषाध्यक्ष निलकण्ठ काफ्ले र ऋषिबाबु परियार छन् ।
मकालु खबर २०७९ माघ २५ गते
प्रतिक्रिया
सम्बन्धित
