राष्ट्रपति निर्वाचनमा कांग्रेस उम्मेदवारले जित्छन् : नेता बस्नेत

काठमाडौँ । नेपाली कांग्रेसका नेता मोहनबहादुर बस्नेतले राष्ट्रपति निर्वाचनमा कांग्रेसको उम्मेद्वारले जित्ने दाबी गरेका छन् ।

शुक्रबार संसद भवन नयाँ बानेश्वरमा सञ्चारकर्मीसँग कुरा गर्दै बस्नेतले सबै दलको सहयोगले नै राष्ट्रपति निर्वाचनमा कांग्रेसको उम्मेद्वारले जित्ने दाबी गरेका छन् । उनले अहिलेको शक्ति सन्तुलन मिलाउन पनि राष्ट्रपतिमा कांग्रेसको उम्मेद्वारलाई सहयोग गर्नुपर्ने बताए । एमालेको राष्ट्रपति भए अब पनि ‘रबर स्ट्याम्प’ मात्रै हुने उनले बताए ।

त्यस्तै एमाले नेता योगेश भट्टराईले संसदमार्फत राष्ट्रपतिले राखेका विषयहरुलाई सरकारले मार्गदर्शनका रुपमा लिनुपर्ने बताए ।

उनले मुलुकमा देखिएको आर्थिक लगाएतका सबै समस्यालाई समाधान गर्न एकतावद्ध भएर लाग्नुपर्ने बताए ।