रियल म्याड्रिडले जित्यो क्लब विश्वकपको उपाधि

काठमाडौँ । रियल म्याड्रिडले फिफा क्लब विश्वकपको उपाधि जितेको छ । गएराती सम्पन्न फाइनल खेलमा रियल म्याड्रिडले साउदी क्लब अल हिलाललाई ५-३ गोल अन्तरले पराजित गर्दै क्लब विश्वकपको उपाधि जितेको हो ।

रियल म्याड्रिडको जितमा भिनिसियस जुनियर र फेड्रीको भाल्भर्डेले २-२ गोल गरेका थिए भने करिम बेन्जमाले एक गोल गरेका थिए । अल हिलालका लागि लुसिआनो भिएट्टोले दुई गोल गरेका थिए भने मोउसा मारेगाले एक गोल गरेका थिए ।

यो सहित रियल म्याड्रिडले फिफा विश्वकपको उपाधि सबैभन्दा बढी पाँच पटक जितेको छ । रियलले यसअघि २०१४, २०१६, २०१७, २०१८ मा यो उपाधि जितेको थियो । रियल पछि बार्सिलोनाले ३ पटक क्लब विश्वकप जितेको छ ।