एसी मिलानले टोटेनहमलाई हरायो

काठमाडौँ । च्याम्पियन्स लिग फुटबल अन्तर्गत इटालियन क्लब एसी मिलानले जित निकालेको छ । मंगलबार राति भएको अन्तिम १६ को पहिलो लेगमा मिलानले इंग्लिस क्लब टोटेनहमलाई १-० गोलले पराजित गरेको हो ।

घरेलु मैदानमा मिलानलाई जित दिलाउन खेलको सातौं मिनेटमा ब्राहिम डियाजले गरेको गोल नै निर्णायक गोल बन्यो । अब यी दुई टोलीबीचको दोस्रो लेग मार्च ९ मा टोटेनहमको घरेलु मैदानमा हुनेछ ।