रियल म्याड्रिडको जित, घट्यो बार्सिलोनासँगको दुरी

काठमाडौँ । स्पेनिस ला लिगा अन्तर्गत रियल म्याड्रिडले ओसासुनामाथि जित हासिल गरेको छ । गएराती सम्पन्न खेलमा रियल म्याड्रिडले ओसासुनालाई २-० गोल अन्तरले पराजित गरेको हो ।

रियल म्याड्रिडको जितमा फेडेरिको भालभर्डे र मारको असेन्सियोले एक एक गोल गरेका थिए । यो जितपछि रियल म्याड्रिडको २२ खेलमा ५१ अंक भएको छ र लिगमा दोस्रो स्थानमा रहेको छ ।

शीर्ष स्थानमा रहेको बार्सिलोनाको भने २१ खेलमा ५६ अंक रहेको छ । त्यसैगरी ओसासुनाको २२ खेलमा ३० अंक छ र लिगमा १०औं स्थानमा रहेको छ ।