सवारी दुर्घटनामा दुई जनाको मृत्यु

विराटनगर । मोरङको दुई स्थानमा सवारी दुर्घटना हुँदा २ जनाको मृत्यु भएको छ अन्य २ जना घाइते भएका छन् ।

सुन्दरहरैचा–५ स्थित भित्री सडक खण्डमा प्रदेश १–०२–०४७ प २८२४ नम्बरको स्कुटर अनियन्त्रित भई दुर्घटना हुँदा घाइते भएका स्कुटर चालक सुन्दरहरैचा–५ का ५० वर्षीय चक्र बहादुर श्रेष्ठको विराटनगर स्थित विराट टिचिङ अस्पतालमा उपचारको क्रममा मृत्यु भएको हो ।

त्यस्तै विराटनगर–४ कोसी राजमार्गमा प्रदेश १–०२–०४२ प ६०४९ नम्बर र लु.१८ प ५४५६ नम्बरको मोटरसाइकल आपसमा ठक्कर खाई दुर्घटना हुँदा घाइते भएका विराटनगर–४ का २६ वर्षीय प्रकाश महतको उपचारको क्रममा नोबेल अस्पतालमा मृत्यु भएको प्रहरीले जनाएको छ।

घाइते भएका विराटनगर–५ का २४ वर्षीय अमन खान र अर्घाखाँची सन्धिखर्कका ४८ वर्षीय विष्णु परियारको नोबेल अस्पतालमा उपचार भइरहेको छ ।