नेपाल खेलकुद महासंघको अध्यक्षमा पर्शुराम बस्नेत निर्वाचित

विराटनगर । विराटनगरमा सम्पन्न नेपाल खेलकुद महासंघको दोस्रो राष्ट्रिय महाधिवेशनबाट अध्यक्षमा पर्शुराम बस्नेत निर्वाचित भएका छन् । सर्वसम्मत रुपमा बस्नेत अध्यक्ष चयन भएका हुन् ।

फागुन ७ देखि जारी महाधिवेशनको मंगलबार सम्पन्न भएको महाधिवेशनबाट निवर्तमान संयोजक बस्नेत निर्वाचित हुँदा पदाधिकारी र आयोगका पदाधिकारी भने कहिदिन पछि मात्रै टुङ्गो लगाइने भएको छ । बस्नेत नेकपा एमाले प्रदेश १ का सचिवालय सदस्य समेत हुन् । यसअघि उनी खेलकुद महासंघको संयोजकको जिम्मेवारी पाएसँगै खेलकुदका गतिविधि बढेको थियो ।

बन्द सत्रको दौरानमा अर्घाखाँचीका प्रतिनिधि प्रकाश महतको दुर्घटनामा परि निधन भएपछि बन्दसत्रको हलले सर्वसम्मत नेतृत्व चयन गर्न म्याण्डेड दिएको थियो । आज अध्यक्ष बस्नेतसहित १७१ सदस्य केन्द्रीय कमिटी घोषणा भएको छ । टुङ्गिन बाँकी रहेका पदहरू फागुन अन्तिम साता बस्ने केन्द्रीय कमिटीको बैठकबाट टुङ्गो लाग्ने बताइएको छ ।