म्यानचेस्टर युनाइटेडसँग पराजित बार्सिलोना युरोपा लिगबाट बाहिरियो

काठमाडौँ । बार्सिलोना युइएफए युरोपा लिगबाट बाहिरिएको छ । गएराती सम्पन्न खेलमा म्यानचेस्टर युनाइटेडसँग २-१ गोलले पराजित भएपछि बार्सिलोनाको युरोपा लिगको यात्रा समाप्त भएको हो ।

म्यानचेस्टर युनाइटेडको जितमा फ्रेड र एन्टोनीले एक एक गोल गरेका थिए । त्यस्तै बार्सिलोनाका लागि एक गोल रोबेर्ट लेवानडोस्कीले गरेका थिए । यो जितपछि म्यानचेस्टर युनाइटेड युरोपा लिगको राउण्ड १६ मा पुगेको छ ।