कास्कीमा वडाध्यक्ष रामबहादुर गुरुङले कुटे कर्मचारी, प्रहरीमा उजुरी

पोखरा । कास्कीको माछापुच्छ्रे गाउँपालिका ८ का वडाध्यक्ष रामबहादुर गुरुङले कर्मचारीमाथि हातपात गरेका छन् । वडामा कार्यरत असिस्टेन्ट सब इन्जिनियर लक्ष्मण जिसीमाथि गुरुङले मुक्का हानेको भन्दै प्रहरीमा उजुरी परेको छ ।

जिसीले आफूमाथि कुटपिट गर्ने वडाध्यक्षलाई कारबाहीको माग गर्दै कास्की प्रहरीमा उजुरी दिएका सूचना अधिकारी ज्ञानबहादुर खड्काले जानकारी दिए ।

वडाध्यक्षले अह्राएको काम नगरेको भन्दै गुरुङले जिसीमाथी मुक्का हानेको बताइएको छ । तर वडाध्यक्ष गुरुङले भने भनाभनका क्रममा धकेलाधकेल मात्र भएको प्रतिक्रिया दिएका छन् ।

जिसीमाथि कुटपिट भएको भन्दै कर्मचारी संघ संगठनले संयुक्त विज्ञप्ति जारी गरी बिरोध जनाएका छन् ।