विश्वकप लिग-२ : आज पिएनजीको सामना गर्दै नेपाल

काठमाडौं । विश्वकप लिग टू को यूएई सिरिजको पहिलो खेलमा नेपालले आज पपुवा न्यु गिनी (पीएनजी)सँग खेल्दै छ । नेपाल र पीएजीबीचको खेल दुबई अन्तराष्ट्रिय क्रिकेट मैदानमा नेपाली समयअनुसार बिहान ११ः४५ मा सुरु हुदैछ ।

पीएनजीमा आयोजना हुनुपर्ने यो सिरिज मैदानको अवस्थाको कारण यूएईमा सारिएको थियो । २०१९ देखि जारी रहेको विश्वकप लिग टूको सिरिजमा नेपालको यो विदेशमा हुने अन्तिम त्रिकोणात्मक सिरिज पनि हो ।

नेपालले अर्को खेल फागुन १८ मा घरेलु टोलीसँग खेल्ने छ। फागुन १९ गते पपुवा न्युगिनीसँग तेस्रो खेल खेल्ने नेपालले यूएई भ्रमणको अन्तिम खेलमा फागुन २२ मा घरेलु टोली यूएईसँग खेल्नेछ । नेपाल २८ खेलमा १२ मा जित र १४ मा हारसहित छैटौं स्थानमा छ ।