मोटरसाइकल दुर्घटना हुँदा दुई जनाको मृत्यु

विराटनगर । मोरङको बुढीगंगा गाउँपालिकामा मोटरसाइकल दुर्घटना हुँदा दुईजनाको मृत्यु भएको छ। कोशी राजमार्ग अन्तरगत बुढीगंगा ४ मा मोटरसाइकल दुर्घटना हुँदा दुई जनाको मृत्यु भएको हो ।

मृत्यु हुनेमा मोटरसाइकल चालक सप्तरी सप्तकोशी गाउँपालिका– १ का १९ वर्षीय निसान चौधरी र पछाडि सवार सुनसरी रामधुनी नगरपालिका– ९ का १६ वर्षीय समीर चौधरी रहेको प्रहरीले जनाएको छ ।

इटहरीतर्फ जाँदै गरेको बा ६३ प ७२७ नम्बरको मोटरसाइकल आफैँ अनियन्त्रित भई बिजुलीको पोलमा ठोक्किएर दुर्घटना हुँदा घाइते भएका दुवै जनाको उपचारको क्रममा विराट टिचिङ अस्पताल गंगाचौकमा मृत्यु भएको जिल्ला प्रहरी कार्यालय मोरङले जनाएको छ।