आईसीसी यू–१९ विश्वकप : नेपाल मलेसियाविरुद्ध १० विकेटले विजयी

काठमाडौँ । आईसीसी यू–१९ विश्वकप एसिया क्षेत्र छनोटअन्तर्गतको खेलमा नेपालले मलेसियामाथि १० विकेटको शानदार जीत हात पारेको छ । मलेसियाले दिएको ७३ रनको रनको लक्ष्य नेपालले कुनै पनि विकेट नगुमाई पूरा गर्यो ।

नेपालका लागि ओपनर ब्याटर दीपक बोहराले २९ बलमा ८ चौका प्रहार गर्दै ३८ रन बनाए । त्यस्तै अर्का ओपनर अर्जुन कुमालले २५ बलमा ३ चौकासहित २१ रन बनाए ।

मलेसियाका तर्फबाट १४ रन एक्सट्रा उपहार भयो ।

यसअघि मलेक क्रिकेट मैदान, अज्मानमा, टस जितेर ब्याटिङ गरेको मलेसिया ३५.३ ओभरमा ७२ रन बनाउँदै अलआउट भएको थियो ।