केपी ओली कप : उपाधिका लागि सातदोबाटो र मछिन्द्र भिड्दै

काठमाडौँ । केपी ओली कप राष्ट्रिय फुटबल च्याम्पियनसिपको फाइनल आज हुँदैछ। दशरथ रङ्गशालामा हुने फाइनलमा सातदोबाटो र मच्छिन्द्र फुटबल क्लब बिच प्रतिस्पर्धा हुने भएको छ ।

आयोजक केपी एफसीलाई १–० ले पराजित गर्दै मच्छिन्द्रले फाइनलको यात्रा तय गरेको हो। यता आर्मी फुटबल क्लबलाई सडन डेथमा ६–५ ले पराजित गर्दै सातदोबाटो फाइनलमा पुगेको हो।

नेकपा एमाले निकट युवा संघको आयोजनामा भइरहेको खेलको विजेताले उपाधिसहित १० लाख नगद तथा उपविजेताले ५ लाख नगद प्राप्त गर्ने आयोजकले जनाएको छ । प्रतियोगिताका सर्बोत्कृष्ट खेलाडीले १ लाख नगद पाउने छन् । त्यसैगरी उत्कृष्ट गोलरक्षक, उत्कृष्ट गोलकर्ता र उदीयमान खेलाडीले ५० हजार पाउने छन् ।