नेपाली यू-१९ ले टस जित्यो, पहिले ब्याटिङ गर्ने

काठमाडौँ । युएईमा जारी आईसीसी यू-१९ पुरुष विश्वकपको एशिया छनोटमा नेपालले पहिले ब्याटिङ गर्ने भएको छ । केहीबेर अगाडि टस जितेको नेपालले ब्याटिङ गर्ने निर्णय गरेको हो ।

खेल अहिले सुरु हुँदैछ । नेपाल र युएईले यस प्रतियोगितामा पछिल्ला चारै खेल जितेका छन् । आज नेपाल र युएईबीचको विजेता नै यू-१९ विश्वकपमा छनौट हुनेछ । प्रतियोगितामा नेपालले देव खनालको कप्तानीमा खेलिरहेको छ ।

प्रतियोगितामा नेपालसहित सिंगापुर, कुवेत, हङकङ, मलेसिया र आयोजक युएईको सहभागिता रहेको छ । २०२४ मा श्रीलंकामा हुने यू-१९ विश्वकप खेल्नका लागि नेपालले यस प्रतियोगिताको शीर्ष स्थानमा रहनु पर्नेछ ।