आठ दलीय गठबन्धन पाँचै वर्ष टिक्छ : प्रचण्ड

काठमाडौँ । प्रधानमन्धी पुष्पकमल दाहाल प्रचण्डले वर्तमान ८ दलीय गठबन्धन पाँचै वर्षसम्म टिक्ने बताएका छन् ।

निर्वाचनअघिको ५ दलीय गठबन्धन त्यागेर ७ दलीय गठबन्धन निर्माण गरेको १ महिना नपुग्दै उक्त गठबन्धन भत्काएर ८ दलीय गठबन्धन निर्माण गरेका प्रधानमन्त्री प्रचण्डले यस्तो बताएका हुन् ।

राष्ट्रपतिमा रामचन्द्र पौडेललाई मत हाल्न आह्वान गर्न ८ दलले राखेको सांसदहरुलाई अभिमुखीकरण कार्यक्रमपछि सञ्चारकर्मीसँग कुरा गर्दै उनले बिहीबार यस्तो बताएका हुन् ।

‘गठबन्धन पाँचैवर्ष जान्छ,’ उनले भने, ‘मन्त्रिपरिषद् विस्तारको गृहकार्य पनि सुरु भएको छ ।’