पक्राउ परेका सुकुम्बासीलाई रिहाई गर्न माग गर्दै प्रदर्शन (तस्बिरहरु)

काठमाडौँ । केही महिनाअघि थापाथली सुकुम्बासी बस्तीमा भएको झडपका क्रममा काठमाडौँ महानगरका प्रहरीमाथि सांघातिक आक्रमण गर्ने दुई जनालाई गत बिहीबार प्रहरीले पक्राउ गरेको बिरोधमा आज (आइतबार) सुकुम्बासीहरुले प्रदर्शन गरेका छन् ।

सुकुम्बासी बस्तीमा भएको झडपमा घरेलु हतियारले महानगरका प्रहरीमाथि आक्रमण गर्ने ६ जनाविरुद्ध महानगरले किटानी जाहेरी दिएपछि उनीहरूमाथि पक्राउपुर्जी जारी भएको थियो ।

६ जना मध्ये फागुन १८ बिहीबार प्रहरीले नारायण परिश्रमीसहित दुई जनालाई पक्राउ गरी जिल्ला प्रहरी परिसर काठमाडौँको हिरासतमा राखेको छ । पक्राउ परेकालाई म्याद थप गरी ज्यान मार्ने उद्योगमा प्रहरीले मुद्दा अघि बढाएको बिरोधमा आज सुकुम्बासीहरुले प्रदर्शन गरेका हुन् ।

प्रदर्शनकारीले माइतीघरमा भेला भई नाराबाजी गर्दै नयाँ बानेश्वर सम्म पुगेर कोणसभा गरेका छन् ।

तस्बिरहरू