नवनिर्वाचित राष्ट्रपति पौडेलद्वारा बिपी संग्रहालयको भ्रमण (तस्बिरहरू)

काठमाडौँ । नवनिर्वाचित राष्ट्रपति रामचन्द्र पौडेलले बिपी संग्रहालयको भ्रमण गरेका छन् । पशुपतिनाथको दर्शन गरे उनी गोकर्णेश्वर नगरपालिका १ सुन्दरीजलमा रहेको बिपी संग्रहालय पुगेका हुन् ।

भ्रमणका क्रममा पौडेलले संग्रहालयमा रहेको विश्वेश्वर प्रसाद कोइराला, गणेशमान सिंह, कृष्ण प्रसाद भट्टराई, रामनारायण मिश्र, दिवानसिंह राई र योगेन्द्रमान शेरचन को शालिकमा माल्यार्पण गरेका थिए । नवनिर्वाचित राष्ट्रपति पौडेलले बिपी संग्रहालय परिसरमा रुद्राक्षको बिरुवा समेत रोपेका छन् ।

पौडेललाई संग्रहालयमा संग्रहालयका अध्यक्ष परशुराम पोखरेलले स्वागत गरेका थिए । यसअघि बिहान पौडेलले गुहेश्वरी र पशुपतिनाथ मन्दिरको दर्शन गरेका थिए ।