प्रहरीका ५ डिआईजीलाई एआईजीमा बढुवा गर्न सिफारिस

काठमाडौँ । गृह मन्त्रालयले नेपाल प्रहरीका ५ जना प्रहरी नायब महानिरीक्षक (डीआईजी)लाई प्रहरी अतिरिक्त महानिरीक्षक (एआईजी) मा बढुवा गर्न सिफासि गरेको छ ।

मन्त्रालयको बढुवा सिफारिस समितिले उक्त सिफारिस गरेको हो । सिफारिस सूचिको पहिलो नम्बरमा बसन्त कुँवर परेका छन् । त्यस्तै, दोस्रोमा टेकप्रसाद राई, तेस्रोमा दीपक थापा, चौथोमा श्यामलाल ज्ञवाली र पाँचौँमा किरण बज्राचार्य परेका छन् ।

३० वर्ष सेवा अवधिको सीमा अनुसार बहालवाला महानिर्देशक धिरजप्रताप सिंह आउँदो ११ चैतबाट अनिवार्य अवकाशमा जान लागेका छन् । उनी अवकाश भएपछि हाल सिफारिसमा परेका ५ जना मध्येबाट एआईजी हुने ५ जना मध्येबाट आईजीपी नियुक्त हुने छन् ।