राष्ट्रपति रामचन्द्र पौडेलले लिए शपथ

काठमाडौँ । नवनिर्वाचित राष्ट्रपति रामचन्द्र पौडेलले पद तथा गोपनीयताको शपथ ग्रहण गरेका छन् । राष्ट्रपति भवन शीतल निवासमा सोमबार दिउँसो विशेष समारोहका बीच कायममुकायम प्रधानन्यायाधीश हरिकृष्ण कार्कीबाट शपथ ग्रहण गरेका हुन् ।

समारोहमा निवर्तमान राष्ट्रपति विद्यादेवी भण्डारीले आफ्नो कुर्सी नयाँ राष्ट्रपति भण्डारीलाई हस्तान्तरण गरिन् ।

समारोहमा प्रधानमन्त्री पुष्पकमल दाहाल प्रचण्डले विदा हुँदै गरेकी निवर्तमान राष्ट्रपति भण्डारीलाई सरकारका तर्फबाट उपहार समेत प्रदान गरे ।

कार्यक्रममा उपराष्ट्रपति नन्दबहादुर पुन, राष्ट्रिय सभाका अध्यक्ष गणेश तिमल्सिना, प्रतिनिधि सभाका सभामुख देवराज घिमिरेलगायत सरकारका उच्च पदस्थ व्यक्तिहरुको उपस्थिति थियो ।

राष्ट्रपति पौडेलको कार्यकाल ५ वर्षको हुने छ ।