अमनलाल मोदीले भने– प्रचण्ड नेपालको नेल्सन मण्डेला 

काठमाडौँ । संघीय मामिला तथा सामान्य प्रशासन मन्त्री अमनलाल मोदीले प्रधानमन्त्री पुष्पकमल दाहाललाई अफ्रिकी पूर्व राष्ट्रपति नेल्सन मण्डेलासँग तुलना गरेका छन् ।

अन्तर्राष्ट्रिय जातीय भेदभाव उन्मुलन दिवसका अवसरमा आयोजना गरिएको कार्यक्रममा बोल्दै माओवादी केन्द्रका नेतासमेत रहेका मोदीले प्रचण्डलाई मण्डेलासँग तुलना गरेका हुन् ।

नेपालमा माओवादी जनयुद्धमार्फत जातीय विभेद उन्मुलुनका लागि मुक्ति आन्दोलनको अगुवाई गरेको भन्दै उनले प्रचण्ड नेपालका लागि नेल्सन मण्डेला जस्तै भएको बताए ।

अफ्रीकी पूर्व राष्ट्रपति मण्डेलाले रंगभेदविरुद्ध आन्दोलनकाे अगुवाइ गरेका थिए ।