थ्री नेसन्स कप : लाओसलाई २–० गोलअन्तरले हराउँदै नेपाल विजयी
काठमाडौँ । काठमाडौँको दशरथ रंगशालामा बुधबार प्रधानमन्त्री थ्री नेसन्स कपअन्तर्गत भएको पहिलो खेलमा नेपाली विजयी सुरुवात गरेको छ । नेपालले बुधबारको खेलमा लाओसलाई २–० गोलअन्तरले हराउँदै जित दर्ता गरेको हो ।
खेलको पहिलो हाफमा अनन्त तामाङले २९ औँ मिनेटमा लाओसलाई १ गोल गरे । एरिक विष्टको कर्नरमा अनन्तले हेडरमार्फत गोल गरे गरेका थिए ।
त्यसपछि दोस्रो हाफमा अलि आक्रामक बनेको लाओसले कुनै गोल गर्न सकेन ।
दोस्रो हाफको ५६ औँ मिनेटमा नवयुग श्रेष्ठले नेपालका लागि अर्को गोल गर्दै दोब्बरको अग्रता दिलाए ।
नेपालले अब प्रतियोगिताको अन्तिम लिग खेलमा भुटानसँग खेल्ने छ । भुटानले शनिबार लाओससँग खेल्ने छ ।
खेलबाट शीर्ष स्थानमा पुग्ने दुई टोलीले अर्को साताको शुक्रबार फाइनल खेल खेल्नेछन् ।
प्रतियोगिताका विजेताले ५ हजार अमेरिकी डलर, दोस्रोले ३ हजार डलर पाउने एन्फाले जनाएको छ । त्यस्तै, उत्कृष्ट खेलाडीले ५ सय अमेरिकी डलर र खेलको म्यान अफ दि म्याचले २ सय ५० डलर पाउने जनाएको छ ।
