एफएनसीसीआई निर्वाचनमा उमेशलाल श्रेष्ठको प्यानल घोषणा

काठमाडौँ । नेपाल उद्योग वाणिज्य महासंघ(एफएनसीसीआई)को आसन्न निर्वाचनमा वरिष्ठ उपाध्यक्षको प्रत्यासी उमेशलाल श्रेष्ठले आफ्नो प्यानल घोषणा गरेका छन् ।

सोमबार ललितपुरमा एक कार्यक्रमको आयोजना गरी श्रेष्ठले आफुनो समूहको घोषणा गरेका हुन् ।

उनको प्यानलमा जिल्ला नगरतर्फ उपाध्यक्ष पदमा दिनेश श्रेष्ठ, वस्तुगततर्फ हेमराज ढकाल र एसोसिएटतर्फ भरतराज आचार्यले उम्मेदवारी घोषणा गरेका छन् ।

महासंघको विधान अनुसार जिल्ला नगरबाट ३३ जना, एसोसिएटबाट १९ र वस्तुगतबाट १४ जना सदस्य चुनिने छन्।

‘जिम्मेवार निजी क्षेत्र, समृद्ध अर्थतन्त्र’ भन्ने मुल नारासहित उक्त समूहले उम्मेदवारीका प्यानल घोषणा गरेका हुन् ।

महासंघका आगामी अध्यक्ष चन्द्रप्रसाद ढकालको सारथी भएर काम गर्न वरिष्ठ उपाध्यक्षमा उम्मेदवारी दिएर दिन लागेको कार्यक्रममा श्रेष्ठले ताए ।

उमेलालको समूहलाई महासंघका पूर्व अध्यक्ष चण्डीराज ढकाल, विनोदबहादुर श्रेष्ठ, पूर्व वरिष्ठ उपाध्यक्ष भाष्करराज राजकर्णिकार, पूर्व उपाध्यक्ष किशोर प्रधानलगायतको समर्थन रहेको छ ।

यसबाहेक रामचन्द्र संघाई र अञ्जन श्रेष्ठको प्यानल पनि एफएनसीसीआईको चुनावी मैदानमा खडा भएको छ ।