सन्दीपको मुद्दा आज हेर्न नभ्याइने सूचीमा

काठमाडौँ । क्रिकेटर सन्दीप लामिछानेविद्धको मुद्दा आज हेर्न नभ्याइने सूचीमा परेको छ । उनीविरुद्धको बलात्कार मुद्दाको सुनवाइका लागि बुधबार काठमाडौँ जिल्ला अदालतका न्यायाधीश केशवप्रसाद घिमिरेको इजलाशमा पेशी तोकिएको थियो ।

इजलासको चौथो नम्बरमा सुनुवाईका लागि पेश तोकिएको मुद्दा बुधबारका लागि हेर्न नभ्याइने सूचीमा परेको हो ।

यसअघि १३ चैतमा पेशी तोकिएको यो मुद्दा सन्दीपलाई पुर्पक्षका लागि थुनामा पठाउने न्यायाधीश माधवप्रसाद घिमिरेकै इजालासमा परेपछि सन्दीपका वकिलले सुनुवाइ रोक्न माग गर्दै अदालतलाई निवदेन दिएका थिए । त्यसैका आधारमा सुनुवाइ स्थगित भएको थियो ।

जिल्ला न्यायाधीश मावप्रसद घिमिरेको १९ कात्तिको इजलासले सन्दीपलाई पुर्पक्षका लागि थुनामा पठाउने आदेश दिएको थियो । तर, उच्च अदालत पाटनले २० लाख रुपैयाँ धरौटीमा छोड्न आदेश दिएको थियो ।

सन्दीपविरुद्ध नावालीगलाई बलात्कार गरेको मुद्दा छ ।