पिएसजीको सर्वाधिक गोलकर्ता बने एम्बाप्पे

काठमाडौँ । फ्रेन्च लिग वान अन्तर्गत पिएसजीले लेन्सलाई पराजित गरेको छ । गएराती सम्पन्न खेलमा पिएसजीले लेन्सलाई ३-१ गोल अन्तरले पराजित गरेको हो ।

पिएसजीको जितमा किलीयन एम्बाप्पे, भितीहा र लियोनेल मेसीले एक एक गोल गरेका थिए । लेन्सका लागि फ्र्यान्कोस्कीले एक गोल फर्काएका थिए ।

लेन्सविरुद्ध गोल गरेसँगै एमबाप्पे लिग वानमा पिएसजीको सर्वाधिक गोलबर्ता बनेका छन् । उनले एडिन्सन काभानीको कीर्तिमानलाई तोडेका हुन् । एमबाप्पेले १६९औं लिग खेलमा १३९औं गोल गरेका हुन् ।

यो जितपछि पिएसजीको ३१ खेलमा ७२ अंक भएको छ र लिगको शिर्ष स्थानमा कायम रहेको छ । त्यस्तै लेन्सको ३१ खेलमा ६३ अंक रहेको छ र लिगमा दोस्रो स्थानमा रहेको छ ।