लिभरपुलले हान्यो ६ गोल

काठमाडौँ । ईङलिश प्रिमियर लिग अन्तर्गत लिभरपुलले लिड्स युनाइटेडलाई फराकिलो अन्तरले पराजित गरेको छ । गएराती सम्पन्न खेलमा लिभरपुलले लिड्सलाई ६-१ गोल अन्तरले पराजित गरेको हो ।

लिभरपुलको जितमा मोहमद सलाह र डिओगो जोटाले २-२ गोल गरेका थिए भने कोडी गाक्पो र डर्विन नुनेजले एक एक गोल गरेका थिए  लिड्सका लागि एक गोल लुइस सिनिसटेराले फर्काएका थिए ।

यो जितपछि लिभरपुलको ३० खेलमा ४७ अंक भएको छ र लिगमा आठौँ स्थानमा उक्लिएको छ । लिड्स युनाइटेडको भने ३१ खेलमा २९ अंक छ र लिगमा १६औं स्थानमा रहेको छ ।