तनहुँमा बाबुरामले भने– कांग्रेसको सिट खाली भएकोले कांग्रेसलाई नै जिताउनुपर्छ

काठमाडौँ । सत्ता सझेदार दल नेपाल समाजवादी पार्टीका अध्यक्ष डा. बाबुराम भट्टराईले तनहुँ १ मा हुन लागेको उपनिर्वाचनमा गोविन्द भट्टराईलाई नै जिताउन तनहुँबासीलाई आग्रह गरेका छन् ।

सत्ता गठबन्धनले तनहुँमा आयोजना गरेको विशाल चुनावी कोण सभामा तनहुँ १ मा नेपाली कांग्रेसका उम्मेदवार गोबिन्द भट्टराईलाई भोट माग्दै उनले यस्तो आग्रह गरेका हुन् ।

‘दलीय व्यवस्थामा दलको तर्फबाट सिट खाली भएपछि ५ महिनाभित्र हुने चुनावमा स्वतह नै सम्बन्धित पार्टीको उम्मेदवार बन्नु र त्यसलाई तपाइँहरुले निर्वाचित गरेर पठाउनु स्वभाविक हुन्छ,’ उनले भने, ‘त्यसो हुँदा तपाइँहरुले उहाँलाई जिताएर पठाउनु पर्छ । हामीले गठबन्धनका तर्फबाट उहाँलाई भोट हाल्ने निर्णय गरेका छौँ ।’

उनले गोविन्द भट्टराई नै सबैभन्दा योग्य उम्मेदवार भएको पनि बताए ।

उनले भ्यागुताको धार्नी पु¥याउन गाह्रो भए जस्तै ससना पार्टीलाई लिएर सरकार बनाउन कठिन पर्ने भएको र राजनीतिक अस्थिरता हुने भएकाले उनले कांग्रेसकै उम्मेदवारलाई मत दिनुपर्ने बताए ।