तनहुँबासीलाई देउवाले भने– सरकार त हाम्रै बन्ने हो नि, काम गर्ने हामीले हो, हामीलाई जिताउनुस्

काठमाडौँ । नेपाली कांग्रेसका सभापति शेरबहादुर देउवाले १० वैशाखमा हुने प्रनिनिधिसभा सदस्यको उपनिर्वाचनमा आफ्ना पार्टीका उम्मेदवार गोबिन्द भट्टराईलाई जिताउन तनहुँबासीलाई आग्रह गरेका छन् ।

सत्ता गठबन्धनले तनहुँमा आयोजना गरेको विशाल चुनावी कोणसभालाई सम्बोधन गर्दै उनले आफ्नो पार्टीका उम्मेदवार गोबिन्द भट्टराईलाई भोट मागेका हुन् ।

‘सरकार त हाम्रै बन्ने हो नि, काम गर्ने हामीले हो, हामीलाई जिताउनुस्,’ उनले भने, ‘अरुले भनेर केही हुँदैन । अरुले जितेर केही हुँदैन । अहिले पनि गठबन्धनबाट हाम्रै प्रधानमन्त्री छन् । अब फेरि पनि हाम्रै हुने हो । हामीलाई भोट दिनुस् ।’