तनहुँमा प्रचण्डले भने– म प्रधानमन्त्री छु, गोविन्द भट्टराईलाई मन्त्री बनाउने मैले हो

काठमाडौँ । प्रधानमन्त्री समेत रहेका माओवादी केन्द्रका अध्यक्ष पुष्पकमल दाहाल प्रचण्डले नेपाली काग्रेसका तर्फबाट गठबन्धनका साझा उम्मेदवार गोबिन्द भट्टराईलाई भोट मागेका छन् ।

गठबन्धनले तनहुँमा आयोजना गरेको विशाल चुनावी कोण सभालाई सम्बोधन गर्दै उनले यस्तो भट्टराईलाई भोट मागेका हुन् ।

‘म प्रधानमन्त्री छु, मन्त्री बनाउने मैले हो अहिले,’ उनले भने, ‘त्यसकारण यो मच्च र यो प्रांगण भाग्यमानी छ । तपाइँहरुले रामचन्द्र जीलाई जस्तै गोविन्द भट्टराईलाई रुख चुनाव चिन्हमा भोट दिएर विजइ बनाउनुहोस् । शेरबहादुर जीले पार्टीको जिम्मा लिइसक्नु भो उहाँ यहीँ मसैँग हुनुहुन्छ अहिले ।’

अहिले गठबन्धनको सरकार रहेको र चुनावपछि पनि गठबन्धन कै सरकार रहने भन्दै उनले गोबिन्द भट्टराईलाई मत दिन आग्रह गरे ।

‘अहिले त सरकार हाम्रो छँदै छ,’ उनले भने, ‘यो उपचुनावपछि पनि सरकार हाम्रो रहने नै हो । देशमा सुशासन र विकासको यात्रा प्रारम्भ गरिसकिएको नै छ । त्यसो हुँदा गोबिन्द भट्टराई तनहुँको परिचित व्यक्तिलाई जिताउनुहोस् ।