कोशी नदीमा नुहाउन गएका मध्ये दुई बेपत्ता, एक जनाको शव फेला

काठमाडौँ । सुनसरीको बराहक्षेत्र नगरपालिका–१ स्थित सप्तकोशी नदीमा नुहाउने क्रममा डुबेर बेपत्ता भएका तीन जना मध्ये एक जनाको शव फेला परेको छ ।

दमक–९ का २० वर्षीय नविन न्यौपाने, सोही ठाउँका २२ वर्षीय रुद्र न्यौपाने र उर्लाबारी–९ का २० वर्षीय राजन गुरागाईँ नुहाउन नदिमा गएका थिए ।

नुहाउने क्रममा उनीहरु डुबेर बेपत्ता भएको प्रहरीले जनाएको छ । उनीहरुको खोजीमा खटिएको सशस्त्र टोलीले बेपत्ता भएका मध्ये नविन न्यौपानेको शव फेला पारेको जनाएको छ ।