म्यानचेस्टर युनाइटेड युरोपा लिगबाट बाहिरियो

काठमाडौँ । इंग्लिस क्लब म्यानचेस्टर युनाइटेड युरोपा लिगको क्वाटरफाइनलबाटै बाहिरिएको छ । स्पेनिस क्लब सेभियासँग क्वाटरफाइनलको दोस्रो लेगमा ३-० ले तथा समग्रमा ५-२ ले पराजित हुँदै युनाइटेड अन्तिम आठबाटै बाहिरिएको हो ।

पहिलो लेग २-२ गोलको बराबरीमा सकिएको थियो । रोमन सान्चेज पिजुवान सेभियामा बिहीबार राति भएको खेलमा घरेलु टोली सेभियाको जितमा युसुफ एन न्यास्रीले दुई तथा लोइक बेडले एक गोल गरे ।