गाईसँग मोटरसाइकल ठोक्किँदा ट्राफिक हबलदारको मृत्यु

काठमाडौँ । कैलालीको धनगढीमा एक ट्राफिक प्रहरीको दुर्घटनाबाट मृत्यु भएको छ । धनगढी उपमहानगरपालिकाको बोराडाँडीमा बिहीबार साँझ दुर्घटनामा घाइते भएका प्रहरी सहायक हल्दार जनकराज धामीको मृत्यु भएको हो ।

जिल्ला ट्राफिक प्रहरी कार्यालय कैलालीका अनुसार उनी बिहीबार साँझ राजपुरको ट्राफिक बिट जाँदै थिए । उनी सवार म १ प ३८७४ नम्बरको मोटरसाइकल बोराडाँडीमा गाईसँग ठोकिएको हो ।

उनको शनिबार राति धनगढीको माया मेट्रो अस्पतालमा उपचारका क्रममा मृत्यु भएको जिल्ला ट्राफिक प्रहरीले बताएको छ।