मोरङको जहदाबाट ४२२ किलो गाँजा बरामद 

विराटनगर । मोरङको जहदाबाट प्रहरीले ४२२ किलो गाँजा बरामद गरेको छ। दिउँसो करिब पौने १ बजेको समयमा प्रहरले गाँजा बरामद गरेको हो ।

मोरङ जहदा गाउँपालिका वडा नम्बर २ बेरियारी टोल बस्ने मो. मजेबुल मियाँको खेतमा लगाएको मकै बारीमा गाँजा लुकाई राखेको गाँजा बरामद भएको जिल्ला प्रहरी कार्यालय मोरङका डिएसपी एवम् प्रवक्ता रञ्जनकुमार दाहालले जानकारी दिए ।

विशेष सूचनाको आधारमा इलाका प्रहरी कार्यालय रानी र लागु औषध नियन्त्रण ब्युरो रानी विराटनगरबाट संयुक्त रूपमा खटिएको प्रहरी टोलीले १४ बोरा अर्थात् ४२२ किलो ३३ ग्राम गाँजा बरामद गरिएको डिएसपी दाहालले बताए ।

पक्राउ परेको गाँजाको सम्बन्धमा थप अनुसन्धान भइरहेको छ ।