बेन्जमाको ह्याट्रिकमा रियल म्याड्रिड विजयी

काठमाडौँ । स्पेनिस ला लिगा अन्तर्गत रियल म्याड्रिडले अल्मेरियालाई पराजित गरेको छ । गएराती सम्पन्न खेलमा रियल म्याड्रिडले अल्मेरियालाई ४-२ गोल अन्तरले पराजित गरेको हो ।

रियल म्याड्रिडको जितमा करिम बेन्जमाले ह्याट्रिक गरेका थिए । बेन्जमाले खेलको पाँचौं, १७औँ र ४२औं मिनेटमा गोल गर्दै आफ्नो ह्याट्रिक पुरा गरेका थिए । त्यस्तै अर्को गोल रोड्रीगोले गरेका थिए । अल्मेरियाका लागि लाजारो र लुकास रोबेर्टोनले एक एक गोल फर्काएका थिए ।

यो जितपछि रियल म्याड्रिडको ३२ खेलमा ६८ अंक भएको छ र लिगमा दोस्रो स्थानमा छ । अहिले शिर्ष स्थानमा रहेको बार्सिलोनाभन्दा रियल म्याड्रिड ११ अंकले पछाडी रहेको छ । अल्मेरियाको ३२ खेलमा ३३ अंक रहेको छ र लिगमा १५औं स्थानमा छ ।