डर्टमुन्डलाई पछि पार्दै बायर्न पहिलो

काठमाडौँ । जर्मनी बुण्डेसलिगा अन्तर्गत बायर्न म्युनिख फेरि शीर्ष स्थानमा उक्लिएको छ ।

आइतबार राति सम्पन्न खेलमा बायर्न म्युनिखले हेर्थलाई २-० गोल अन्तरले पराजित गर्दै लिगको शीर्ष स्थानमा फर्किएको हो । बायर्नको जितमा सेर्गी ग्नाब्री र किंग्सले कोम्यानले एक एक गोल गरेका थिए ।

यस जितसँगै शीर्षस्थानमा उक्लिएको बायर्नको ३० खेलबाट ६२ अंक पुगेको छ । समान खेलबाटै दोस्रो स्थानमा झरेको डर्टमुन्डको ६१ अंक छ । पराजित हर्था २२ अंक जोडेर पुछारमा छ ।