मजदुर दिवसमा श्रमिकलाई राष्ट्रिय युवा संघको सम्मान

विराटनगर । राष्ट्रिय युवा सङ्घ नेपालले अन्तर्राष्ट्रिय मजदुर दिवसको अवसरमा विभिन्न क्षेत्रमा योगदान गरेका श्रमिकलाई सम्मान गरेको छ। विराटनगरमा एक कार्यक्रमको आयोजना गरी युवा सङ्घ नेपाल विराटनगर महानगर कमिटीले ऐतिहासिक पृष्ठभूमि बोकेको विराटनगर मिल्स एरियामा कार्यरत मजदुरहरूलाई सम्मान गरेको हो । मजदुरको क्षेत्रमा योगदान पु¥याएका पुराना श्रमिकहरू सुशीला देवी दाहाल, राजु श्रेष्ठ, आविद सरदार, मञ्चलाल पासवान र किरण कुमार श्रेष्ठलाई सम्मान गरिएको सङ्घका महानगर कमिटी अध्यक्ष निरञ्जन ढुङ्गानाले जानकारी दिए ।

विराटनगर महानगर कमिटीका अध्यक्ष सागर थापाले युवा सङ्घ नेपालले महानगर भित्रका श्रमिकहरूको सम्मान गर्ने कुरा असाध्यै राम्रो भएको बताए । लामो समयदेखि विभिन्न उद्योगहरूमा आफ्नो जीवन बिताएका यस्ता श्रमिकलाई सम्मान गर्न पाउनु असाध्यै राम्रो काम हुने बताए ।

कार्यक्रममा नेकपा एमाले कोसी प्रदेश कमिटी सदस्य विक्रम तिवारी, राष्ट्रिय युवा सङ्घ नेपाल केन्द्रीय कमिटी किरण लामा, युवा सङ्घ नेपाल मोरङ जिल्ला सचिवालय सदस्य रेसम थापा मगर सहभागी थिए ।