नापोलीले ५ खेल अगावै जित्यो उपाधि

काठमाडौँ । इटालियन सिरी ए को उपाधि नापोलीले जितेको छ । गएराती सम्पन्न खेलमा उडिनेससँग १-१ गोलको बराबरी खेलेसँगै नापोलीले यस सिजनको सिरी ए उपाधि जितेको हो ।

१-० गोल अन्तरले परेको नापोलीका लागि खेलको ५२औं मिनेटमा भिक्टर ओसिमहेनले गोल गर्दै खेल बराबरी गरेका थिए । त्यस्तै उडिनेसका लागि सान्डी लोभरिकले खेलको १३औं मिनेटमा गोल गरेका थिए ।

यो बराबरी पछि नापोलीको ३३ खेलमा ८० अंक भएको छ र लिगमा ५ खेल अगाडी नै उपाधि जितेको छ । उडिनेसको ३३ खेलमा ४३ अंक छ र लिगमा १२औं स्थानमा रहेको छ ।

नापोलीले सन् १९९० पछि पहिलो पटक सिरी ए को उपाधि जितेको हो । त्यस्तै नापोलीले सिरी ए को उपाधि जितेको यो तेस्रो पटक हो । यस अघि १९८६-८७ र १९८९-९० मा सिरी ए को उपाधि जितेको थियो ।